Umsagnir
um drög að þingsályktunartillögu um vernd og orkunýtingu náttúrusvæða lauk 11. nóvember 2011.
Innsendar umsagnir
| Nr. | Landsvæði | Virkjunarhugmynd | Sendandi | Lýsing | |
|---|---|---|---|---|---|
| 4 | Almenn umsögn | Samorka | Að mati Samorku væri vænlegast að styðjast við röðun verkefnisstjórnar, en á óvart kemur að verulega er vikið frá henni í tillögunni. Að hámarki um 700 MW í nýtingarflokki eru á því stigi að hægt væri að gera samninga um sölu á orkunni innan 2 ára, miðað við hugsanlega afhendingu innan 4-6 ára. | Sjá nánar | |
| 6 | Almenn umsögn | Flóahreppur | Sveitarstjórn Flóahrepps fagnar framkominni þingsályktun um áætlun um vernd og orkunýtingu landsvæða og hvetur Alþingi til þess að afgreiða hana. | Sjá nánar | |
| 7 | Almenn umsögn | Fljótsdalshérað | Ekki voru gerðar neinar athugasemdir. | Sjá nánar | |
| 13 | Almenn umsögn | Gísli Már Gíslason | Meðfylgjandi eru tvær greinar sem ég birti í Morgunblaðinu 27. ágúst og 1. september þar sem koma fram rökstuddar skoðanir mínar á þingsályktunartillögunni. 1. Ég fagna þingsályktunartillögunni og 2. bendi ég á að þegar hafa 34 náttúrusvæði verið tekin undir vatnsafls- og jarðvarmavirkjanir. | Sjá nánar | |
| 20 | Almenn umsögn | Hrunamannahreppur | Hér sendist bókun hreppsnefndar Hrunamannahrepps á fundi þann 3. nóv. sl. varðandi rammaáætlunina. . | Sjá nánar | |
| 21 | Almenn umsögn | Hafnarfjarðarbær | Áætlun um vernd og orkunýtingu landsvæða – umsögn Hafnarfjörður 27.10.11. Hafnarfjarðarbæ hefur borist erindi iðnaðarráðuneytisins dags. 19.08.11 þar sem óskað er eftir umsögn um tillögu til þingsályktunar um áætlun um vernd og orkunýtingu landsvæða. Umsagnarfrestur er til 11.11.11. Í áætluninni er fjallað um fjögur svæði í Krýsuvík. Eitt þessara svæða, Austurengjar, er innan lögsögu Hafnarfjarðar, en þrjú svæði, Sandfell, Sveifluháls og Trölladyngja eru innan lögsögu Grindavíkur. Hafnarfjarðarkaupstaður á þó mikilla hagsmuna að gæta varðandi öll þessi svæði sem eigandi jarðhitaréttinda í Krýsuvíkurlandinu öllu, jafnt eignarlandi bæjarins sem þess hluta sem er í lögsögu Grindavíkur. Nýtingarflokkur. Sandfell og Sveifluháls eru sett í nýtingarflokk, virkjanahugmyndir sem talið er að ráðast megi í að uppfylltum öðrum skilyrðum. Hafnarfjarðarbær gerir ekki athugasemd við flokkun Sandfells. Nokkuð er óljóst hvað átt er við með Sveifluhálsi, sem er mjög stórt svæði, og þarf nánari skilgreiningar við. Hafnarfjarðarbær bendir á að HS-Orka hefur fengið framkvæmdaleyfi fyrir rannsóknarborholur í Seltúni, sem er að hluta raskað svæði á Sveifluhálssvæðinu, og er lagt til að það svæði verði sett í biðflokk, þar til nánari ákvörðun hefur verið tekin um það í auðlindastefnu Hafnarfjarðar. Biðflokkur. Trölladyngja og Austurengjar eru sett í biðflokk - virkjanahugmyndir sem þurfa frekari skoðunar með betri upplýsingum svo skoða megi hvort þær ættu að raðast í verndunarflokk eða nýtingarflokk. Hafnarfjarðarbær vekur athygli á að í viðræðum við HS-Orku setti Hafnarfjarðarbær sig alfarið á móti rannsóknarborunum við Austurengjahver, þar sem það þótti of viðkvæmt svæði frá náttúruverndarsjónarmiði. Í Aðalskipulagi Hafnarfjarðar 2005 - 2025 Krýsuvík, er Austurengjahver og svæðið umhverfis hann hverfisverndað. Í viðræðum við HS-Orku kom fram sú hugmynd að skábora niður í hverinn, en því hefur ekki verið fylgt nánar eftir, og þyrfti þá að skoða hvaða áhrif dæling hefði á hverinn, þó svo að svæðinu kringum hann yrði ekki raskað. Svæðið getur verið í biðflokki þar til nánari ákvörðun hefur verið tekin um það í auðlindastefnu Hafnarfjarðar. Varðandi Trölladyngju bendir Hafnarfjarðarbær á að á því svæði eru nú þegar tvö borplön og vegur inn á svæðið. Verndunarflokkur Virkjanahugmyndir sem ekki er talið rétt að ráðast í og landsvæði sem ástæða er talin til að friðlýsagagnvart orkuvinnslu: Ekkert svæði í Krýsuvík er sett í þennan flokk. Uppfærð umsögn 11. nóv, | Sjá nánar | |
| 22 | Almenn umsögn | RARIK | RARIK fagnar þeirri vinnu sem unnin hefur verið við annan áfanga rammaáætlunar og vonar að með þeirri vinnu náist sátt um framkvæmdir við orkuöflun og undirbúning virkjana í landinu. Mikilvægt er að slík sátt náist. Þær niðurstöður sem nú liggja fyrir í drögum að tillögu til þingsályktunar um áætlun um vernd og orkunýtingu landssvæða og eru til umsagnar koma þó á óvart, þar sem allir virkjanakostir sem RARIK og dótturfélög þess hafa unnið að á undanförnum árum lenda ýmist í biðflokki eða verndarflokki. RARIK undrast að tveir af þeim kostum sem fyrirtækið og dótturfélög þess hafa rannsakað og undirbúið undanfarin ár hafi ekki verið teknir til umfjöllunar hjá öllum faghópum rammaáætlunar og lendi því í biðflokki, þrátt fyrir að annar þeirra hafi farið í gegnum mat á umhverfisáætlunum. Þá er að mati RARIK a.m.k. einn af þeim virkjanakostum sem undirbúnir hafa verið af dótturfélögum fyrirtækisins, Hólmsárvirkjun (nr. 21), þeirrar gerðar að öll rök hníga að því að hann eigi heima í nýtingarflokki. Um flesta virkjanakosti má deila og seint verða allir á eitt sáttir, en að mati RARIK hefur ekkert hafi komið fram í vinnu rammaáætlunar sem gefur tilefni til annars en að ætla að þessi virkjunarkostur, sem hentar sérstaklega vel til að virkja fyrir almennan markað, með mjög takmörkuðum umhverfisáhrifum, ætti að flokkast í nýtingarflokk. | Sjá nánar | |
| 23 | Suðurland - Hólmsá (Vatnasvið) | Runólfur Birgir Leifsson | Ég vil taka undir með Vigfúsi Gíslasyni frá Flögu og legg til að þetta svæði verði verndað og þar með hætt við fyrirhugaða Hólmsárvirkjun. | Sjá nánar | |
| 25 | Almenn umsögn | Ásdís Thoroddsen | Hér með sendi ég inn almenna umsögn sem samin er út frá reynslu minni sem leiðsögumaður fyrir útlendinga á Íslandi, kvikmyndagerðarmaður og ekki hvað síst út frá áhugamáli mínu sem er útivist. Ásdís Thoroddsen. | Sjá nánar | |
| 27 | Almenn umsögn | Orkustofnun | Orkustofnun vísar til erindis iðnaðarráðuneytis, dags. 19. ágúst sl., þar sem óskað er umsagnar og athugasemda Orkustofnunar við tillögu til þingsályktunar um áætlun um vernd og orkunýtingu landsvæða sem lögð verður fyrir Alþingi á 140. löggjafarþingi 2011-2012. Orkustofnun hefur kynnt sér efni framangreindrar þingsályktunartillögu og gerir ekki athugasemdir við það markmið tillögunnar að fela ríksisstjórninni að vinna að framkvæmd þeirrar áætlunar um vernd og orkunýtingu landsvæða sem er að finna í umræddu þingskjali. Orkustofnun vekur athygli á að við undirbúningsvinnu við áætlun um vernd og orkunýtingu sat Guðni A. Jóhannesson, orkumálastjóri í verkefnastjórn til að ljúka 2. áfanga rammaáætlunar um nýtingu vatnsafls og jarðvarma, sem formaður faghóps IV, tilnefndur af Orkustofnun. Einnig hafa starfsmenn Orkustofnunar komið að starfi rammaáætlunar með margvíslegum hætti. Orkustofnun er því aðili máls og sér þess vegna ekki ástæðu til að tjá sig um megin efnisþætti tillögunnar. Það er mat Orkustofnunar að tillöguna beri að skoða sem heild, þar sem reynt er að skapa jafnvægi milli ólíkra sjónarmiða varðandi verndun og nýtingu. Orkustofnun gæti hafa komist að annarri niðurstöðu varðandi einstaka virkjunarkosti. Eðli málsins samkvæmt eru mestir hagsmunir fólgnir í því að sköpuð verði skýr framtíðarsýn um verndun og orkunýtingu eins og tillagan gerir ráð fyrir og þannig verði lagður grunnur að stöðugu umhverfi fyrir atvinnuuppbyggingu á sviði orkuiðnaðar, ferðamála og annarrar landnýtingar. Virðingarfyllst, f. h. Orkumálastjóra Kristinn Einarsson / Skúli Thoroddsen | Sjá nánar | |
| 31 | Almenn umsögn | Samtök sunnlenskra sveitarfélaga | Samtök sunnlenskra sveitarfélaga sem leggja áherslu á að niðurstöður þeirrar þverfaglegu vinnu sem liggur að baki þingsályktunartillögunnar verði grundvöllur sátta um virkjun orku og nýtingu hennar framtíðinni. Samtökin hvetja því til að tillagan verði samþykkt. | Sjá nánar | |
| 33 | Almenn umsögn | Alþýðusamband Íslands | ASÍ lýsir yfir ánægju með að ráðist hafi verið í gerð áætlunar um vernd og orkunýtingu landsvæða. Það hefur verið skoðun ASÍ að nauðsynlegt sé að fyrir liggi skýr og markviss stefna um sjálfbæra nýtingu og verndum auðlinda. ASÍ leggur áherslur á samvinnu ríkisvalds og aðila vinnumarkaðarins. | Sjá nánar | |
| 42 | Almenn umsögn | Jóhanna Einarsdóttir | Geri alvarlega athugasemd við fyrirhugaða virkjun Urriðafoss. Vatnsmesti foss landsins, einstök náttúrperla. Þetta á að víkja fyrir skammtíma gróðasjónarmiðum. Hefur þessi þjóð ekki enn lært af mistökunum. | Sjá nánar | |
| 46 | Almenn umsögn | Landsvirkjun | Helstu athugasemdir Landsvirkjunar lúta að röðun tiltekinna virkjunarkosta undir verndarflokk sem voru fyrir miðju í flokkun faghópa og Verkefnistjórnar. Í umsögninni færir Landsvirkjun rök fyrir endurskoðun á röðun umræddra virkjunarkosta og færslu þeirra úr verndarflokki í biðflokk. | Sjá nánar | |
| 79 | Suðurland - Þjórsá (Vatnasvið) | Guðgeir Kristmundsson | Nú þegar við þurfum að endurmeta okkar gildi eftir tímabil græðgi, skammsýni, bóluskapandi hagvaxtarhugmyndafræði og ofnýtingu á náttúruauðlindum okkar, eigum við að setja þessar hugmyndir á frest og leggja meiri áherslu á náttúruvernd. Þurfum að koma hausnum okkar út úr skammtímagræðgi hugarfarinu. | Sjá nánar | |
| 54 | Almenn umsögn | Skaftárhreppur | Umsögn Skaftárhrepps við tillögu til þingsályktunar um áætlun um vernd og orkunýtingu landsvæða | Sjá nánar | |
| 55 | Almenn umsögn | Sjöfn Ingólfsdóttir (Bjarni Ólafsson) | Ég geri athugasemdir við að virkjanir Þjórsár í byggð séu settar í nýtingarflokk í frumvarpi iðnaðaðarráðuneytisins sem byggir á rammaáætlun um vernd og nýtingu náttúruauðlinda. Þær ættu helst að fara í verndarflokk en til þrautavara í biðflokk ef hægt verður að virkja í framtíðinni án þeirra náttúrufórna sem nú blasir við að verði. | Sjá nánar | |
| 57 | Suðurland - Þjórsá (Vatnasvið) | Svanborg R Jónsdóttir | Ég mótmæli því að Þjórsá á áhrifasvæði fyrirhugaðra Holts-, Hvamms- og Urriðafossvirkna verði hafðar í virkjanaflokki og legg til að þær veðri færðar í verndarflokk. | Sjá nánar | |
| 58 | Reykjanesskagi - Hengilssvæði (Háhiti) | Orkuveita Reykjavíkur | OR lýsir ánægju með að áætlun um verndun og orkunýtingu landsvæða er að koma fram og þakkar tækifærið til að taka þátt í mótun verkefnisins og framvindu þess. OR vinnur um ⅔ hluta notkunar íslensku þjóðarinnar á varmaorku. Hlutdeild OR í raforkuvinnslu úr jarðvarma á Íslandi er svipuð. Liðlega helmingur þeirrar varmaorku sem OR vinnur og nánast öll raforka frá fyrirtækinu er fengin úr Hengilssvæðinu sem er eitt aflmesta háhitasvæði landsins. OR lætur sig því helst varða skipan á Hengilssvæðinu. Lýst er mikilvægi aðgangs að mið- og austurhluta þess til framtíðar og lagt til að það svæði fari í heildarendurskoðun skipulags. Þessi svæði þurfa að standa undir framtíðarorkuþörf og tryggu aðgengi að varma- og raforku á veitusvæði OR á Suður- og Suðvesturlandi. OR vill benda á að þótt landsvæði sé verndað fyrir orkunýtingu tryggi það ekki vernd gegn neikvæðum áhrifum annarra atvinnuvega. Það er mat OR að þegar til lengri framtíðar er litið sé ekki ráðlegt að útiloka orkuvinnslu úr mið- og austurhluta Hengilsvæðisins. OR telur eðlilegt að fyrirtækið búi við það svigrúm að unnt sé að rannsaka orkukostinn Bitru í framtíðinni með nýtingu í huga þegar meiri reynsla hefur fengist af rekstri Hellisheiðarvirkjunar og væntanlegrar uppbyggingar Hverahlíðarvirkjunar. OR leggur til að röðun orkuvinnslusvæðisins við Bitru verði endurskoðuð og svæðið fari í biðflokk. | Sjá nánar | |
| 64 | Suðurland - Þjórsá (Vatnasvið) | Atli Gíslason | Rammaáætlun Iðnaðarráðuneytinu Arnarhvoli 150 Reykjavík. Reykjavík, 10. nóvember 2011. Umsögn um rammaáætlun. Í rammaáætlun eru virkjanir í neðri hluta Þjórsár settar í nýtingarflokk. Gerð er krafa til þess að neðri hluti Þjórsár verði settur í verndarflokk en til vara í biðflokk. Ljóst má vera að nefndar virkjanir hafa í för með sér veruleg óafturkræf umhverfisspjöll. Nægir þar að nefna að umhverfi árinnar og rennsli verður gjörbreytt. Þrjú virkjanalón eru fyrirhuguð. Laxastofn árinnar, stærsti laxastofn landsins, er í raunverulegri útrýmingarhættu og fyrirséð að boðaðar mótvægisaðgerðir breyti þar engu. Gönguleiðir laxa upp ána eru torveldaðar verulega og nánast útilokað að laxaseiði nái að ganga niður ána gegnum hverfla og lón, eins og reynsla erlendis hefur leitt í ljós. Mikilvæg hrygningar- og uppeldissvæði verða eyðilögð að verulegu leyti. Í umhverfismati er ekki gerð minnsta tilraun til að meta hvort hald sé í meintum mótvægisaðgerðum. Laxastofninn er ekki látinn njóta vafans fremur en náttúra og umhverfi Þjórsár almennt séð. Fyrirhugaðar virkjanir með tilheyrandi lónum á að byggja á virku jarðskjálftasvæði og hripleku hrauni. Alkunna er að brunnar í Skeiðahreppi fyllast þegar hækkar í ánni og rennsli er neðanjarðar milli Þjórsár og Hvítár. Við blasir að lónin haldi ekki vatni og gjörbreyting muni verða á grunnvatnsstöðu. Þá er það staðreynd að væntanlegt rennsli í ánni fram hjá virkjunum og lónum mun verða afar breytileg, allt að tífaldast frá minnsta rennsli til þess mesta. Það þýðir að allt lífríki á bökkum árinnar verður að mestu lagt í rúst sem leiðir til annarra afdrifaríkra umhverfisáhrifa. Sandfok verður viðvarandi þegar vatnsstaða árinnar er lægst. Svo mætti lengi telja. Niðurstaða í rammaáætlun varðandi Þjórsá er vanreifuð að þessu leyti og nauðsynleg rannsaka þessa þætti og fleiri, sbr. neðanskráðar röksemdir, áður en þingsályktun um rammaáætlun verður lögð fram. Framanrituð rök og mörg fleiri hafa verið tíunduð í athugasemdum í skipulagsferli vegna breytinga á aðalskipulagi Skeiða- og Gnúpverjahrepps í þágu hinna fyrirhuguðu virkjana. Voru gerðar 29 almennar athugasemdir, 16 athugasemdir vegna náttúruþátta, 5, athugasemdir vegna samgangna, 6 athugasemdir vegna grunnvatnsstöðu, jarðskjálfta- og flóðahættu, 4 athugasemdir vegna lífríkis, 2 athugasemdir vegna ferðaþjónustu, 15 athugasemdir vegna einstakra jarða og 2 athugasemdir frá umsagnaraðilum. Hjálagt fylgir yfirlit yfir þessar athugasemdir og ljósrit af þeim. Einnig fylgir samantekt Skeiða- og Gnúpverjahrepps yfir móteknar athugasemdir. Ég geri þessar athugasemdir að mínum til stuðning þeim kröfum sem gerðar eru í upphafi umsagnar þessarar. Ég áskil mér rétt til að koma fram með frekari rökstuðning og leggja fram viðbótargögn. Virðingarfyllst, Atli Gíslason, hrl. og alþingismaður. Ath. Ég mun á morgun, 11. nóvember 2011, leggja fram í iðnaðarráðuneytinu undirritaða umsögn ásamt þeim fylgigögnum sem ég tilgreini í umsögninni. | Sjá nánar | |
| 73 | Almenn umsögn | Katrin Gier | I protest against placing of the hydropower stations along the lower river Thjórsa´ in "nytingarflokkur" because of the resulting damages in nature. Waterfalls and traditional riding and walking paths will be destroyed. Salmon will propably die. Save Thjórsá for next generations and move the plans to "bidflokkur". | Sjá nánar | |
| 74 | Almenn umsögn | Náttúruverndarsamtök Suðvesturlands | Flestir þeirra sem koma til Íslands fyrsta sinni stíga fæti á íslenska jörð þar sem heitir Reykjanesskagi. Ef heppnin hefur verið með þeim hafa þeir úr lofti fengið litið þennan mikilfenglega skaga í margbreytileika sínum. Fyrsta ökuferð Íslandsfaranna er einnig um Reykjanesskagann, oftast frá Keflavíkurflugvelli til innnesja (Höfuðborgarsvæðisins). Þeir fá þá tækifæri til þess að virða fyrir sér sérstæða náttúru þessa skaga sem sumum finnst hrjóstrug öðrum tilkomumikil, en fáir fara þar um án þess að ferð sú veki hjá þeim einhver viðbrögð. Ferðamenn þessir eru að fara innum hlið Íslands, innganginn að íslenskri náttúru. Margir húseigendur, bæjarfélög og aðrir þeir sem skartað geta hliðum, leggja mikla áherslu á að hliðið sé sem glæsilegast, að inngangurinn til heimilis þeirra bjóði velkomna aufúsugesti. Fyrstu áhrifin sem gestirnir verða fyrir við komuna verða oft mikils um ráðandi um afstöðu þeirra síðar meir, hvað sem heimsóknin annars ber í skauti sér. Því skulum við gæta vel að hliði Íslands og standa vörð um innganginn að íslenskri náttúru Reykjanesskagann. Samkvæmt þeim drögum sem nú liggja fyrir að þingsályktunartillögu varðandi rammaáætlun eru 14 virkjunarkostir af 51 í nýtingar- eða biðflokki staðsettir á Reykjanesskaga eða um 28%. Hér getur að líta níu af 24 svokölluðum nýtingarsvæðum þ. e. um 38% og fimm af þeim 27 svæðum sem hafna í biðflokki eða um 19%. Nesjavellir og Svartsengi eru ekki á meðal nýtingar- eða biðsvæða rammaáætlunar en þar eru nú þegar jarðvaramavirkjanir auk virkjanna á Reykjanesi og Hellisheiði. Þegar þess er gætt hvert það landsvæði er sem við köllum Reykjanesskaga held ég að nánast allir, jafnvel öflugustu virkjanasinnar, gætu fallist á að þröngt muni verða setinn bekkurinn verði það úr að jarðvarmavirkjanir verði á öllum þeim nýtingar- og biðsvæðum sem stasett eru á Reykjanessskaga samkvæmt núverandi drögum að rammaáætlun. | Sjá nánar | |
| 75 | Almenn umsögn | Kristján Haraldsson | Umsögn Orkubús Vestfjarða | Sjá nánar | |
| 80 | Suðurland - Geysissvæði (Háhiti) | Hjörleifur B. Kvaran | Eigendur Haukadals 2, 3, 4, Suðurgafls og Tortu gera athugasemdir við drög að þingsályktunartillögu iðnaðarráðherra. | Sjá nánar | |
| 82 | Almenn umsögn | Náttúruverndarsamtök Suðvesturlands | Suðvesturland – Eldfjallaþjóðgarður eða eitraðar gufur? Í drögum að þingsályktunartillögu um áætlun um vernd og orkunýtingu landsvæða, Rammaáætlun, fellur ekkert svæði á Reykjanesskaga vestan Brennisteinsfjalla (68) í verndarflokk og einungis tvö í biðflokk, Trölladyngja (65) og Austurengjahver (67). Þessi þrjú svæði, auk tveggja svæða í orkunýtingarflokki, Sandfells (64) og Sveifluháls (Krýsuvík) (66) eru öll innan Reykjanesfólkvangs, eins vinsælasta útivistarsvæðis í nágrenni höfuðborgarsvæðisins (Innnesja og Suðurnesja). Sveifluhálsi (Krýsuvík) tilheyra m.a. hverasvæðin í Seltúni og Baðstofu undir Hverafjalli. Við álítum að orkunýting á þessu svæði samrýmist ekki markmiðum fólkvangsins og leggjum því til að þau verð öll sett í verndarflokk og stefnt að stofnun eldfjallaþjóðgarðs á Suðvesturlandi. Mörgum spurningum er enn ósvarað hvað varðar Hellisheiðarvirkjun svo sem um, hversu vel er unnt að hefta útblástur eiturgufa frá virkjun og borteigum og hvort neysluvatn kann að spillast af vatni sem fellur frá virkjuninni. Það vatn sem nú er dælt niður mun nema um 550 sekúndulítrum við Húsmúla og 150 við Gráhnúka. Þá er einnig athyglivert að sá rammi laga og reglugerða, sem búinn er Hellisheiðarvirkjun í eign Orkuveitu Reykjavíkur, inniheldur ekki enn afdráttarlausa kröfu um varnir gegn mengun lofts og grunnvatns á virkjanasvæðinu. Reynsla næstu ára og jafnvel áratuga mun ein geta sagt til um hversu mikil eða lítil mengun verður frá þessum jarðvarmavirkjunum. Ef illa tekst til mun sú mengun vara um áratugi. Þá er því einnig ósvarað hvort eða hversu lengi sá jarðhitageymir, sem þar er sótt til, muni endast. Öðrum spurningum svo sem um aukna jarðkjálftatíðni til langs tíma vegna niðurdælingar er einnig ósvarað. Þó horft sé aðeins til tæknilegra úrlausnarefna sýnist ekki hyggilegt að hefja gerð annarra stórra jarðvarmavirkjanna á næstu árum eða áratugum á Hengilssvæðinu. Sé einnig horft til annarrar nýtingar eins og útivistar og ferðamennsku verða forsendur fleiri virkjanna á þessu svæði enn veikari. | Sjá nánar | |
| 83 | Almenn umsögn | Valorka ehf | Ótrúverðugt er að umhverfismat sé á hendi virkjunaraðilans sjálfs og heyri undir iðnaðarráðherra í stað umhverfisráðherra. Þröngsýni er að beina einungis athygli að litlum hluta orkulinda landsins. Nýting sjávarorku verður mikil í nánustu framtíð og mun skekkja allar niðurstöður þessarar áætlunar. | Sjá nánar | |
| 85 | Almenn umsögn | Ragnheiður Júlía Ragnarsdóttir | Það hefur verið reglulega sorglegt að fylgjast með umræðum um mögulegar virkjanir í Þjórsá. Mér finnst ekki nægilega mikið hafa verið rætt um þau neikvæðu áhrif sem hlytust af þessum virkjunum og ég geri alvarlegar athugasemdir við hvernig staðið hefur verið að þessu ferli öllu saman. Ég mótmæli því að svæðin við Þjórsá séu í Orkunýtingarflokki og legg til að þau verði færð í verndarflokk. | Sjá nánar | |
| 86 | Almenn umsögn | Náttúruverndarsamtök Suðvesturlands | Athugasemdir og andmæli vegna breytinga á aðalskipulagi Ölfuss, 2002-2014. | Sjá nánar | |
| 87 | Almenn umsögn | Tryggvi Felixson | Ég fagna fagna framkomnum drögum að að þingsályktunartillögu um rammaáætlun. Umfangsmikil og vönduð vinna liggur að baki sem og góður vilji til að skoða auðlindanýtingu í stærra samhengi en gert hefur verið hingað til. Þessi vinna skapar forsendur fyrir því að taka megi yfirvegaðar og skynsamar ákvarðanir um landnotkun.Það því mikilvægt að Alþingi bindi nú endahnút á þennan áfanga á núverandi þingi. Tillagan sem lögð hefur verið fram til umsagnar er á margan hátt vel útfærð málamiðlun sem ætti að auðvelda bæði umhverfisráðherra og Alþingi að finna ásættanlega lausn sem dugar í einhvern tíma. Hér í viðhengi hef ég tekið saman athugasemdir um nokkur atriði sem ég staldraði við þegar ég fór yfir tillöguna og önnur gögn sem fram hafa komið um rammaáætlun 2. Mitt grundvallar sjónarmið er að fara beri mjög varlega við að nýta verðmætt land til virkjunarframkvæmda ef það veldur skaða á náttúru og landslagi. Ríkir samfélagslegir hagsmunir þurfa að vera í húfi ef fórna á náttúruarfi fyrir orku. Nú þegar hefur orkuþörf þjóðarinnar verið mætt og hagkvæmasti virkjunarkostur framtíðarinnar er bætt orkunýtni. Náttúra landsins, víðerni og hálendi eru á bæði hagræna og menningarlega mælikvarða ein verðmætasta auðlind þjóðarinnar sem ber að vernda til framtíðar. Um þetta hef ég tekið saman hugleiðingu (Hálendi Íslands er höfuðstóll) sem ég læt fylgja. | Sjá nánar | |
| 88 | Suðurland - Þjórsá (Vatnasvið) | Þóra Kristín Ásgeirsdóttir | Það hefur verið sorglegt að fylgjast með undirbúningi framkvæmda sem gjörspilla einni fallegustu sveit á landinu. Slíta sundur friðinn og leggja náttúruna í rúst. Þjórsárdalur er ein dýrmætasta náttúruperla landsins, sem flestir þekkja, en hefur verið eyðilagt sem ferðamannasvæði af opinberum og hálfopinberum fyrirtækjum. Mynni Þjórsárdals með útsýni til Heklu yfir flúðir og hólma og falleg tún á landsnámsjörðinni Haga er fræg mynd í huga flestra og stendur fyrir það fallegasta í náttúru landsins - í byggð á láglendi sem flestir hafa aðstöðu til að njóta. Þar á að skemma með Hvammslóni. | Sjá nánar | |
| 89 | Almenn umsögn | Náttúruverndarsamtök Suðvesturlands | Reykjanesskaginn eitt merkilegasta svæði heims Margar ritgerðir og skýrslur hafa verið skrifaðar um Reykjanesskagann og Reykjanesfólkvang. Gerðar hafa verið fræðilegar úttektir, t.d. í tengslum við fyrirhugaða jarðhitanýtingu. Náttúra og söguminjar mynda sterka heild á þessu svæði og mörg rit fjalla um hvort tveggja. Þá hafa aðilar eins og Landvernd og Ferðamálasamtök Suðurnesja kynnt hugmyndir um eldfjallagarð eða jarðminjagarð (GeoPark) á Reykjanesskaga. Slíkur garður hefur nú verið stofnsettur á Suðurlandi, þ.e. Kötlugarðurinn. Þar sjá heimamenn fram á talsverða atvinnuuppbyggingu tengda því verkefni. Ljóst er að sú eldvirknináttúra sem Reykjanesskaginn hefur að geyma bíður upp á ótal tækifæri af þessum toga og ýmis konar tengingar við ferðaþjónustu, útivist og fræðslustarf. Helgi Páll Jónsson skrifaði nýlega lokaritgerð til meistraraprófs í jarðfræði við Jarðvísindadeild Háskóla Íslands. Rigerðina kallar hann Eldfjallagarður og jarðminjasvæði á Reykjanesskaga. Í ritgerðinni er fjallar Helgi um jarðminjasvæði á Reykjanesskaga í tengslum við uppbyggingu eldfjallagarðs á svæðinu. Farið er yfir landfræðilega legu skagans, jarðfræðirannsóknir og fjallað almennt um ástæður eldvirkninnar. Helstu jarðmyndunum eldfjallalandslagsins eru gerð góð skil og fjallað er um jarðfræðilega fjölbreytni, jarðfræðilega arfleifð og jarðfræðitengda ferðaþjónustu sem Helgi segir að muni gegna veigamiklu hlutverki í eldfjallagarði verði hann byggður upp á svæðinu. Niðurstöður Helga eru þær helstar að Reykjanesskagi henti vel sem eldfjallagarðssvæði fyrir jarðfræðitengda ferðaþjónustu vegna legu sinnar nálægt höfuðborg og alþjóðaflugvelli en ekki síður vegna hinna fjölbreyttu eldvarpa og gosminja. Þau séu fjölbreytt hvað varðar eldvirkniferli og ná allt frá Reykjanesi austur í Reykjanesfólkvang. Í niðurstöðum sínum segir Helgi orðrétt: Reykjanesskagi myndar suðvesturhorn Íslands og er eitt merkilegasta svæði heims hvað varðar eldvirkni og jarðhnik. Þar rís Atlantshafshryggurinn úr sjó. Landslag á Reykjanesskaga er mótað af rekhreyfingum, eldvirkni og samspili þessara innrænu afla við útræn öfl..Eldvörp eru afar fjölbreytt á Reykjanesskaga og þar koma fyrir flestar gerðir eldvarpa sem þekkjast. Á skaganum eru einnig menningarminjar sem sýna sambúð mannsins við eldvirknina allt frá landnámi“. | Sjá nánar | |
| 90 | Reykjanesskagi - Hengilssvæði (Háhiti) | Björn Pálsson | Lýst er stuðning við að Bitra og Grændalur verði í flokki verdar. Þá lagt til að Þverárdalur fari úr biðflokki í verndarflok, einnig Ölfusdalur og Innstidalur. Hverahlíð, Meitilinn og Gráhnúkar verði sett í biðflokk. | Sjá nánar | |
| 92 | Almenn umsögn | Hörður Einarsson | Ég undirritaður styð umsögn Náttúruverndarsamtaka Suðvesturlands og umsögn Ásdísar Thoroddsen að því er varðar Reykjanesskagann sérstaklega. Við afgreiðslu máls þessa ber að hafa framtíðarsýn og fyrirhyggju um hagsmuni íslenzku þjóðarinnar í öndvegi. Sérhagsmunagæzla þjóðkjörinna fulltrúa úr sögunni | Sjá nánar | |
| 94 | Almenn umsögn | Íslenskir Fjallaleiðsögumenn | Íslenskir Fjallaleiðsögumenn ehf (hér eftir ÍFLM) fagna því að tekið hefur verið af skarið með vernd Torfajökulssvæðisins alls og að allar hugmyndir um gufuaflsvirkjanir á því svæði verði slegnar af. Einnig fagna ÍFLM að ekki verði af virkjunum í Markarfljóti , efri hluta Skaftár, Bjallavirkjun og efri hluta Hólmsár. Mjög mikilvægt er að friða þetta stærsta útivistar- og ferðaþjónustusvæði hálendisins. | Sjá nánar | |
| 95 | Suðurland - Þjórsá (Vatnasvið) | Rangárþing ytra | 37.Umsögn Rangárþings ytra um drög að þingsályktunartillögu um vernd og orkunýtingu náttúrusvæða. Rangárþing ytra fagnar þeim áfanga sem nú er náð að fyrir liggi drög að þingsályktunartillögu um vernd og orkunýtingu náttúrusvæða. Flokkun virkjanakosta í orkunýtingarflokk, biðflokk og verndunarflokk er skýr að því leyti að hafi virkjunarkostur verið settur í nýtingar- eða verndunarflokk, þá liggi fyrir nægilega miklar faglegar ástæður fyrir því að svo sé. Það verður því alltaf pólitísk ákvörðun – ekki fagleg – ef virkjanakostir eru færðir t.d. úr verndunarflokki í bið- eða nýtingarflokk. | Sjá nánar | |
| 96 | Almenn umsögn | Náttúruverndarsamtök Suðvesturlands | Sérstaða Reykjanesskagans v/rammaáætlunar um vernd og nýtingu náttúrusvæða. Reykjanesskaginn – ein heild. Reykjanesskaginn er gjarnan skilgreindur sem eldvirknisvæðið frá Þingvallavatni að Reykjanesi. Neðansjávarhryggurinn sem liggur eftir Norður-Atlantshafi kemur á land vestast á skaganum og liggur eftir honum endilöngum. Samhliða gosreinar raða sér yfir skagann frá suðvestri til norðausturs. Líta má á Reykjanesskagann sem eina jarðfræðilega heild eins og t.d. Torfajökulssvæðið. Fólkvangar og friðlýst svæði. Tveir stórir fólkvangar eru á Reykjanesskaga: Reykjanesfólkvangur og Bláfjallafólkvangur. Þeir eru friðlýst svæði, hugsuð sem útivistarsvæði fólks í þéttbýlinu í kring. Þá liggur Þingvallaþjóðgarður að Reykjanesskaga að austanverðu og friðland Reykjavíkur og fleiri sveitarfélaga – Heiðmörk að fólkvöngunum að norðanverðu. Auk þess eru nokkur fjöldi friðlýstra svæða á Reykjanesskaga og önnur verndarsvæði. Fólkvangarnir taka yfir stærsta hlutann af miðhluta Reykjanesskagans. Fjölbreytt og ósnortin náttúra við bæjardyr mesta þéttbýlis landsins. Í niðurstöðum faghópa um rammaáætlunina á bls. 38 er nefnt að mikilvægi ósnortinna svæða í nágrenni við þéttbýli og stóra ferðamarkaði sé vanmetið í skýrslunni. Þetta er undirstrikað á bls. 36 um fjarlægð frá markaði, þar sem Reykjanes fékk einkunnina 10 en Hágöngur aðeins 1. Á Reykjanesskaga er fjöldi ósnortinna- eða lítt snortinna svæða sem aðeins tekur skamma stund að koma til. Nú er mikilvægara en nokkru sinni að varðveita náttúrugildi þessara svæða, en jafnframt að gera þau mörg hver aðgengilegri fyrir ferðafólk. Útivist á Reykjanesskaganum er að stóraukast. Helgafell ofan Hafnarfjarðar er innan Reykjanesfólkvangs. Árið 1996 var komið þar fyrir gestabók. Það ár skráðu sig 2096 í bókina. Árið 2010 voru þeir orðnir 14868. Eftir hrunið svokallaða hefur ganga á fellið stóraukist. Sumarið 20ll var fylgst með komu fólks að hverasvæðinu í Seltúni í Krýsuvík. Að jafnaði komu þar um og yfir 1000 manns á degi hverjum yfir sumarmánuðina. Komur þangað yfir vetrarmánuðina eru að stóraukast. Ætla má að sama þróun sé um allan Reykjanesskagann. Komur í Seltún gætu verið á bilinu 150 – 200 þús manns yfir árið. | Sjá nánar | |
| 97 | Almenn umsögn | Náttúruverndarsamtök Suðvesturlands | Ferðaþjónustumöguleikar í Reyknanesfólkvangi | Sjá nánar | |
| 101 | Reykjanesskagi - Krýsuvíkursvæði (Háhiti) | Bjarni V. Guðmundsson | Mótmæli vegna virkjana í Reykjanesfólkvangi sökum einstakrar náttúru og menningarminja á þessu vinsæla og mikilvæga útivistarsvæði við bæjardyrnar á suðvesturhorninu og hugsanlegrar jarðskjálftahættu sem stafar af virkjununum fyrir byggð og íbúa í Grindvíking. Sjá viðhengi. | Sjá nánar | |
| 102 | Almenn umsögn | Landsnet | Almennar athugasemdir um mikilvægi rammaáætlunar og tengsl hennar við lögbundna starfsemi Landsnets. Ábendingar varðandi útreikninga tengikostnaðar í fyrirliggjandi gögnum 2. áfanga rammaáætlunar. Umfjöllun um aðkomu Landsnets að vinnu við rammaáætlun og möguleg áhrif tenginga á niðurstöðu faghóp | Sjá nánar | |
| 104 | Almenn umsögn | Samtök atvinnulífsins | Umsögn um tillögu til þingsályktunar um áætlun um vernd og orkunýtingu landsvæða frá Samtökum atvinnulífsins. | Sjá nánar | |
| 105 | Almenn umsögn | Samtök ferðaþjónustunnar | Ágæti viðtakandi Í viðhengi er umsögn Samtaka ferðaþjónustunnar varðandi drög að þingsályktunartillögu um vernd og orkunýtingu náttúrusvæða | Sjá nánar | |
| 107 | Suðurland - Þjórsá (Vatnasvið) | Veiðifélag Þjórsár | Veiðiféla Þjórsár gerir alvarlegar athugasemdir við að neðri hluti ÞJórsár skuli vera settur í nýtingarflokk í Rammaáætlun og gerir kröfu um að Þjórsá verði færð í biðflokk. | Sjá nánar | |
| 110 | Almenn umsögn | HS Orka hf. | HS Orka hf. fagnar drögum að þingsályktunartillögu og leggur áherslu á skilvirk vinnubrögð í framhaldinu svo endanleg verndar- og orkunýtingaráætlun liggi fyrir sem fyrst. HS Orka hf. gerir athugasemdir við flokkun virkjunarkosta, reglur fyrir biðflokk og setur fram ábendingar til frekari skoðunar. | Sjá nánar | |
| 112 | Almenn umsögn | Samtök iðnaðarins | SI hafa ávallt stutt aðferðafræðina sem rammaáætlun byggir á og fagna því að verkefnið er svo langt komið. Gagnrýnt er að í lokaáfanga er vinnan færð frá faglegri verkefnisstjórn yfir í pólitískt ferli. Í þingsályktunartillögunni er röðun virkjanakosta ekki í góðu samræmi við niðurstöðu verkefnisstjórnar. Pólitískar áherslur í lokahnykk ferlisins rýrir gildi þeirrar vinnu sem fram hefur farið til þessa og minnkar líkur á sátt um niðurstöðuna. | Sjá nánar | |
| 114 | Almenn umsögn | Samtök álframleiðenda á Íslandi | Samtök álframleiðenda á Íslandi, fagna þessum áfanga í vinnu við Rammaáætlun um vernd og nýtingu náttúrusvæða með áherslu á vatnsafl og jarðhitasvæði. Þessi vinna, sem hófst árið 1999, er mikilvægur liður í að auka samfélagslega sátt um vernd og nýtingu auðlinda hér á landi. | Sjá nánar | |
| 115 | Almenn umsögn | Sverrir Bollason | Ályktun stjórnar Reykjanesfólkvangs um nýtingu jarðvarma til orkuöflunar á svæðinu. Umsögn sett inn af rammaáætlun.is | Sjá nánar | |
| 117 | Almenn umsögn | Umhverfisstofnun | Í umsögn Umhverfisstofnunar er tillögunum fagnað og faglegum vinnubrögðum hrósað. Þá leggur Umhverfisstofnun áherslu á að reynt verði að skapa sem mest jafvægi milli ólíkra sjónarmiða um vernd og nýtingu með sjálfbæra þróun íslensks samfélags og virðingu fyrir íslenskri náttúru að leiðarljósi. | Sjá nánar | |
| 118 | Suðurland - Þjórsá (Vatnasvið) | Gunnar Njálsson | Umsagnir settar inn af rammaáætlun.is | Sjá nánar | |
| 221 | Almenn umsögn | Hjörleifur Guttormsson | Umsögn send á rammaaaetlun@rammaaaetlun.is 11.11.2011. Sett inn af rammaáætlun.is | Sjá nánar | |
| 122 | Almenn umsögn | Skipulagsstofnun | Meðfylgjandi eru athugasemdir Skipulagsstofnunar um umhverfisáhrif verndar- og orkunýtingaráætlunar, skv. 7. gr. laga um umhverfsmat áætlana nr. 105/2006. | Sjá nánar | |
| 128 | Almenn umsögn | Ásdís Hlökk Theodórsdóttir | Hjálögð er grein birt á visir.is 11.11.11 þar sem gerð er grein fyrir athugasemdum mínum. | Sjá nánar | |
| 131 | Suðurland - Þjórsá (Vatnasvið) | Valgerður Erlingsdóttir | Ég undirrituð styð að virkjanir í neðri hluta Þjórsár, þ.e. Hvammsvirkjun, Holtavirkjun og Urriðafossvirkjun verði færðar úr nýtingarflokki í verndarflokk. | Sjá nánar | |
| 132 | Almenn umsögn | Erlingur Loftsson, Sandlæk 1. | Er mjög fylgjandi því að virkjanir í neðrihluta Þjórsár fari í svokallaðan biðflokk.Ótækt er að ekki skuli einu sinni liggja fyrir rannsóknir á lifríki árinnar sem marktækar væru t.d. á fiskigeingd vatnasvæðisins í heild. Veiðieigendur munu óska eftir að slík rannsókn verði unnin af óháðum aðilum. | Sjá nánar | |
| 133 | Almenn umsögn | Þorleifur Gunnlaugsson | Í tillögunni eru settar fram hugmyndir um það hvernig Íslendingar eigi að nýta náttúrusvæði til framtíðar. Svæðin eru sett þrjá flokka eftir hugmyndum frá starfshópi Iðnaðarráðuneytisins. Þó mikil og góð vinna liggi til grundvallar þessari flokkun og mörgu beri að fagna verður að benda á að þar orkar margt tvímælis. | Sjá nánar | |
| 135 | Suðurland - Þjórsá (Vatnasvið) | Hrafnhildur Ágústsdóttir | Við mótmælum harðlega | Sjá nánar | |
| 142 | Almenn umsögn | Heilbrigðiseftirlit Reykjavíkur | Í megindráttum telur Heilbrigðiseftirlit Reykjavíkur að ígrunda þurfi betur hugsanleg heilsufarsáhrif á almenning vegna mengunar frá virkjunum og að taka þurfi mið af samlegðaráhrifum virkjunarkosta hvað varðar mengun vegna brennisteinsvetnis og gera vatnsgæðum hærra undir höfði. | Sjá nánar | |
| 144 | Almenn umsögn | Gunnar Hersveinn | Mæta þar betur heilsufars- og umhverfisáhrif vegna mengunar í stefnunni en gert er í drögunum. Mikilvægt er að varúðarreglan sé ætíð viðhöfð með hagsmuni heilbrigðis- og umhverfisþátta í huga í orkunýtingarmálum Íslands. Ég hef meðal annars áhyggjur af losun brennisteinsvetnis út í andrúmsloftið... | Sjá nánar | |
| 145 | Almenn umsögn | Friðbjörg Ingimarsdóttir | Varðandi jarðhitavarmarvirkjanir var ég að hugsa um að þær þurfi að standast þær kröfur sem gerðar eru um útstreymi eitraðra lofttegunda eins og brennisteinsvetnis. Meta þarf bein hagræn áhrif, umhverfis- og samfélagsáhrif á heilsu og lífsgæði fólks og velferð, við gerð nýrra jarðvarmaverkefna. | Sjá nánar | |
| 147 | Suðurland - Þjórsá (Vatnasvið) | Albert Sigurjónsson | Lífríki Þjórsá .Ásynd og umhverfi Þjórsár Áhrif á ferðaþjónustu . Áhætta og áhttumat Áhrif á samfélag | Sjá nánar | |
| 155 | Suðurland - Skaftá (Vatnasvið) | Eldvötn - samtök um náttúruvernd í Skaftárhreppi | Eldvötn – samtök um náttúruvernd í Skaftárhreppi leggja þunga áherslu á að allir virkjanakostir í Skaftárhreppi, sem fjallað er um í drögum að tillögu til þingsályktunar um áætlun um vernd og orkunýtingu landsvæða, verði í verndarflokki. Helstu rök samtakanna fyrir verndun svæðisins gegn virkjunum og afleiddum óafturkræfum framkvæmdum af þeirra völdum er hin mikla jarðfræðilega sérstaða svæðisins sem myndar stóra landslagsheild á um 7% af Íslandi. Svæðið einkennist af mikilli eldvirkni og samspili elds og íss. Vatnasvið Kúðafljóts, þar með talin Skaftá, Hólmsá og Tungufljót og vatnasvið jökulánna í austurhluta svæðisins, Djúpá, Brunná og Hverfisfljót eru enn óröskuð af virkjanaframkvæmdum. Óröskuð vatnasvið eru mikil auðlind sem ber að vernda, ekki síst nú á tímum þegar lítt eða óröskuð vatnasvið heyra til undantekninga á heimsvísu. | Sjá nánar | |
| 161 | Almenn umsögn | Ferðafélagið Útivist | Um leið og Útivist fagnar drögum að tillögu til þingsályktunar lítur félagið svo á að fara beri varlega í að nýta verðmætt land til virkjunarframkvæmda ef það veldur skaða á náttúru og landslagi. Náttúra Íslands er verðmæt auðlind sem ber að vernda fyrir núlifandi og komandi kynslóðir um ókomna tíð. | Sjá nánar | |
| 171 | Almenn umsögn | Ingibjorg Elsa Bjornsdottir | Sjá meðfylgjandi umsögn Náttúruverndarsamtaka Suðurlands. | Sjá nánar | |
| 181 | Almenn umsögn | Helga Tryggvadóttir | Helsti galli rammaáætlunar er sá að hún gerir ráð fyrir því að bygging nýrra virkjana sé sjálfsagður og eðlilegur hluti íslensks samfélags. Þannig hylur hún í raun undirliggjandi átök sem alltaf munu verða milli þeirra sem vilja vernda náttúruna og nýta hana. | Sjá nánar | |
| 182 | Suðurland - Þjórsá (Vatnasvið) | Finnbogi Jóhannsson | Hvamms- , Holta- og Urriðafossvirkjanir, í neðri hluta Þjórsár, munu allar hafa í för með sér gríðarleg spjöll á lífríki og umhverfi Þjórsár. Með hliðsjón af því skora ég á stjórnvöld að færa þessar virkjanir úr nýtingarflokki í verndunarflokk, í svonefndri rammaáætlun, í frumvarpi iðnaðarráðherra. | Sjá nánar | |
| 183 | Suðurland - Þjórsá (Vatnasvið) | Veiðifélag Kálfár | Rammaáætlun: Athugasemd við þingsályktunartillögu vegna áætlunar um vernd og orkunýtingu landsvæða. | Sjá nánar | |
| 185 | Suðurland - Þjórsá (Vatnasvið) | Helga Tryggvadóttir | Ég fagna því að Norðlingaölduveita hafi verið sett í verndarflokk en mælist til þess að virkjanir í neðri-Þjórsá verði settar í verndarflokk þar til mat á samfélagslegum áhrifum þeirra hafa farið fram og einnig vegna mögulegra áhrifa á fiskgegnd og náttúrufar Viðeyjar í Þjórsá. | Sjá nánar | |
| 186 | Almenn umsögn | Kristín Guðmundsdóttir | Hér er umsögn um Rammaáætlun sem er almenns eðlis, en þó vísað lauslega í ákveðið svæði. | Sjá nánar | |
| 187 | Suðurland - Þjórsá (Vatnasvið) | Hjördís Finnbogadóttir | Fer fram á að Þjórsá verði sett í verndarflokk (Holta-, Hvamms- og Urriðafossvirkjanir). Engin ástæða er til að spilla einni fallegustu sveit landsins frekar en orðið er með virkjunum í lífæð hennar Þjórsá. Tími er kominn til að íbúar við Þjórsá fái notið mannréttinda og hafi frið fyrir Landsvirkjun | Sjá nánar | |
| 188 | Almenn umsögn | Kolbrún Halldórsdóttir | Nauðsynlegt er að setja allar áformaðar jarðvarmavirkjanir í biðflokk vegna óvissu um áhrif þeirra og þá staðreynd að einungis 10% - 18% jarðvarmaorku er nýtanleg til framleiðslu raforku. Nauðsynlegt er að setja áform um virkjanir í neðri hluta Þjórsár í biðflokk enda rannsóknum ábótavant. | Sjá nánar | |
| 191 | Norðausturland - Kröflusvæði (Háhiti) | Ómar Þ.. Ragnarsson. | Svæðið Leirhnjúkur-Gjástykki er ein veðmætasta landslagsheild landsins. Hvergi annars staðar í heiminum er hægt að sjá af ummerkjum, heimildum og myndum rek megilandanna og sköpun nýs lands og lika æfingasvæði fyrir Marsferðir. Verðmæti svæðisins með verndarnýtingu er miklumeira en með orkunýtingu. | Sjá nánar | |
| 197 | Almenn umsögn | Friðrik Dagur Arnarson | Margvíslegir gallar eru á flokkun virkjanahugmynda þó margt sé líka vel gert. Mjög mikilvægar upplýsingar vantar um mörg svæði og því ber að setja þau í biðflokk í stað nýtingarflokks. Líta verður á jarðhita sem endanlega auðlind. Hlífa skal víðernum og einstæðum náttúruperlum | Sjá nánar | |
| 200 | Almenn umsögn | Sigyn Eiríksdóttir | Hagsmunir Íslands munu skaðast ef náttúru landsins er spillt. Hún er helsta aðdráttarafl landsins, hún er uppspretta innblásturs fyrir listamenn og lífsreynslu þeirra sem hingað koma. Varlega þarf að fara og nauðsynlegt að setja svæði frekar í biðflokk en nýtingu og byggja þá á sjálfbærri þróun. | Sjá nánar | |
| 201 | Almenn umsögn | Græna netið | Græna netið fagnar þeirri vinnu sem hér er lögð fram og tækifærinu til að hafa áhrif á niðurstöðuna með rökstuddum athugasemdum. Græna netið gerir nokkrar grundvallar athugasemdir við aðferðafræði sem félagið telur breyta talsvert niðurstöðum röðunar, einkum í nágrenni höfuðborgarinnar. | Sjá nánar | |
| 202 | Almenn umsögn | Erlingur Loftsson, Sandlæk 1. | Er mjög fylgjandi því að virkjanir í neðrihluta Þjórsár fari í svokallaðan biðflokk.Ótækt er að ekki skuli einu sinni liggja fyrir rannsóknir á lifríki árinnar sem marktækar væru t.d. á fiskigeingd vatnasvæðisins í heild. Veiðieigendur munu óska eftir að slík rannsókn verði unnin af óháðum aðilum. | Sjá nánar | |
| 203 | Suðurland - Þjórsá (Vatnasvið) | Sigþrúður Jónsdóttir og Axel Árnason Njarðvík | Verndur Þjórsárvera fagnað. Athugasemdir gerðar við að virkjanir í neðri hluta Þjórsár fari í nýtingarflokk. | Sjá nánar | |
| 205 | Almenn umsögn | Ólafía Jakobsdóttir | Mín framtíðasýn fyrir sveitarfélagið Skaftárhrepp er að fallið verði frá öllum virkjanhugmyndum í jökulvötnum á svæðinu. Þegar kemur að ákvarðanatöku um framkvæmdir í Skaftárhreppi sem hafa áhrif á umhverfi og náttúru þá verði sjálfbær þróun höfð að leiðarljósi við alla ákvarðanatöku. Ekki þarf nema eina virkjun til að eyðileggja heildarmynd svæðisins og óspillta ímynd þess. | Sjá nánar | |
| 206 | Suðurland - Þjórsá (Vatnasvið) | Snorri Páll Jónsson | Við gerð draga að þingsályktunartillögu um Rammaáætlun virðist hins vegar sem órökstudd og uppblásin krafa ákveðinna ríkis- og markaðsafla um virkjun Þjórsár hafi vegið þyngra en rök, reynsla og þekking þeirra sem virkilega hafa lagt sig fram við að útvega raunsæja og rétta mynd af fyrirhuguðum virkjanaframkvæmdum og alhliða áhrifum þeirra. | Sjá nánar | |
| 209 | Suðurland - Þjórsá (Vatnasvið) | Valgerður Halldórsdóttir formaður Sólar í Straumi | Formaður Sól í Straumi minnir á að grasrótarsamtök almennings fylgjast vel með framvindu mála vegna undirbúnings stórframkvæmda sem ekki er alltaf í þágu almennings heldur erlendra aðila og stóriðjufyrirtækja. Til að mynda hefur Sól á Suðurlandi margítrekað andstöðu sína að virkjanir í byggð við neðri hluta Þjórsá fari í nýtingarflokk. Formaður Sólar í Straumi lýsir stuðningi við starf félaga sinna í Sól á Suðurlandi. | Sjá nánar | |
| 210 | Almenn umsögn | Rannveig Magnúsdóttir | Umsögn 13 félagasamtaka sem öll starfa að náttúruvernd | Sjá nánar | |
| 211 | Suðurland - Þjórsá (Vatnasvið) | Halla Guðmundsdóttir | Rammaáætlun - athugasemd frá Ásum. | Sjá nánar | |
| 215 | Almenn umsögn | Sigurður Hreinn Sigurðsson | Hér er á ferðinni almenn umsögn og vangaveltur um rammaáætlun byggð á tilfinningum undirritaðs fremur en lagalegum rökum eða Excel-útreikningum. Engir persónulegir hagsmunir umfram aðra landsmenn liggja að baki umsögninni. | Sjá nánar | |
| 216 | Suðurland - Þjórsá (Vatnasvið) | Kjartan Ágústsson | Áhrif virkjana í neðri hluta Þjórsár á lífríki náttúru og umhverfi hafa verið allt of lítið rannsökuð. Því er eðlilegt að setja þær í verndarflokk. | Sjá nánar | |
| 218 | Almenn umsögn | Ásahreppur | Umsögn send bréfleiðis, dags. 27.10.2011. Sett inn af rammaáætlun.is | Sjá nánar | |
| 219 | Almenn umsögn | Landgræðsla ríkisins | Umsögn send bréfleiðis, dags. 9.11.2011. Sett inn af rammaáætlun.is | Sjá nánar | |
| 222 | Almenn umsögn | Guðmundur Páll Ólafsson | Umsögn send á rammaaaetlun@rammaaaetlun.is 11.11.2011. Sett inn af rammaáætlun.is | Sjá nánar | |
| 223 | Almenn umsögn | Borgarbyggð | Umsögn dags. 11.11.2011 send bréfleiðis til iðnaðarráðuneytis. Sett inn af rammaáætlun.is | Sjá nánar | |
| 224 | Almenn umsögn | Borgarráð Reykjavíkur | Umsögn dags. 11.11.2011 send bréfleiðis til iðnaðarráðuneytis. Sett inn af rammáætlun.is | Sjá nánar | |
| 14 | Reykjanesskagi - Hengilssvæði (Háhiti) | Bitra (74) | Bæjarstjórn Hveragerðisbæjar | Með framlagðri tillögu til þingsályktunar um vernd og orkunýtingu landsvæða er reynt að sætta ólík sjónarmið um vernd og nýtingu landsvæða. Bæjarstjórn Hveragerðisbæjar hvetur Alþingi til að samþykkja tillöguna svo að hefja megi nú þegar markvissa uppbyggingu í nýtingu orkuauðlinda á þeim svæðum sem sátt er um að nýta til slíks. | Sjá nánar |
| 166 | Norðausturland - Námafjallssvæði (Háhiti) | Bjarnarflag (97) | Ragnhildur Sigurðardóttir | Íslendingar hafa skuldbundið sig með alþjóðasamningum að standa vörð um náttúru Mývatns og Laxár, en svæðið er á skrá Ramsar samingsins um votlendi sem hefur alþjóðlegt verndargildi. Ég tel algert grundvallaratriði að umhverfisáhrif Bjarnaflagsvirkjunar, stækkunar á Kröflu I, og Kröflu II verði metin sameiginlega út frá mengun á vatnasviði Mývatns, og ákomu brennisteins og annarra gastegunda á lífríki vatnasviðsins. | Sjá nánar |
| 214 | Norðausturland - Námafjallssvæði (Háhiti) | Bjarnarflag (97) | Hjördís Finnbogadóttir | Framkvæmdir við gufuaflsvirkjanir í Bjarnaflagi og við Kröflu verði stöðvaðar og settar í biðflokk á meðan rannsakað verði af óvilhöllum aðilum hver áhrif þessarar margföldunar á útblæstri og eitruðu affallsvatni verði á lífríki Mývants og umhverfi manna á svæðinu. | Sjá nánar |
| 12 | Suðurland - Skaftá (Vatnasvið) | Búlandsvirkjun (40) | Heiða Guðný Ásgeirsdóttir | Rök fyrir því hvers vegna ég tel Búlandsvirkjun eiga að færast úr biðflokk upp í verndunarflokk | Sjá nánar |
| 36 | Suðurland - Skaftá (Vatnasvið) | Búlandsvirkjun (40) | Jóna Björk Jónsdóttir | Ég, Jóna Björk Jónsdóttir, geri eftirfarandi athugasemdir við Búlandsvirkjun og tel að hana eigi að flytja úr biðflokki í verndunarflokk. | Sjá nánar |
| 99 | Suðurland - Skaftá (Vatnasvið) | Búlandsvirkjun (40) | Suðurorka ehf | Suðurorka fagnar því að loks hilli undir lok á vinnu við rammaáætlun. Suðurorka gerir þó athugasemdir við niðurstöður rammaáætlunar og vinnubrögð. Afgreiðsla Búlandsvirkjunar innan rammaáætlunar ber merki um að önnur sjónarmið en þau faglegu hafi haft of mikið að segja um niðurstöðu. Þá er með henni lögð hindrun í veg fyrir ábyrgri stefnu Skaftárhrepps um nýtingu landsvæða innan sveitarfélagsins. Að Búlandsvirkjun sé sett í biðflokk er illskiljanlegt því næg gögn liggja fyrir til að flokka valkostinn endanlega og að okkar áliti í nýtingarflokk. | Sjá nánar |
| 141 | Suðurland - Skaftá (Vatnasvið) | Búlandsvirkjun (40) | Veiðifélag Grenlækjar | Athugasemdir stjórnar veiðifélags Grenlækjar við tillögu til þingsályktunar um áætlun um vernd og orkunýtingu landsvæða. Veiðifélagið telur að flytja eigi Búlandsvirkjun (40) í verndarflokk. | Sjá nánar |
| 45 | Reykjanesskagi - Svartsengissvæði (Háhiti) | Eldvörp (63) | Grindavíkurbær | Bæjarráð Grindavíkurbæjar fjallað um tillöguna og aflaði umsagnar skipulags- og umhverfisnefndar. Ekki eru gerðar efnislegar athugasemdir við tillöguna. Með framlagðri tillögu til þingsályktunar um vernd og orkunýtingu landsvæða er reynt að sætta ólík sjónarmið um vernd og nýtingu landsvæða og fagnar bæjarráð Grindavíkur því að áætlunin sé komin fram. Áætlunin skapar vonandi grunn til að nú geti hafist markviss uppbyggingu og nýting orkuauðlinda á þeim svæðum sem sátt er um að nýta og að sama skapi geti ferðaþjónusta og aðrar greinar nýtt þau tækifæri sem skapast með verndun annarra svæða. Bæjarráð tekur hinsvegar undir álit skipulags- og umhverfisnefndar Grindavíkurbæjar að með áætluninni sé að vissu leyti gengið á skipulagsvald sveitarfélaganna og að eðlilegra sé að sveitarfélögin komi nánar að ákvörðun um verndun og orkunýtingu innan skipulagssvæðis sveitarfélaganna. | Sjá nánar |
| 149 | Reykjanesskagi - Svartsengissvæði (Háhiti) | Eldvörp (63) | Ómar Þ. Ragnarsson | Gígaröðina Eldvörp ætti að setja í verndarflokk. Fara þarf allt austur að Lakagígum til að finna hliðstæðu. ,Eldvörp eru í næsta nágrenni við alþjóðaflugvölll og aðdráttarafl fyrir ferðafólk.. Eldvörp og Svartsengi eru með sameiginlegan jarðhitageymi og hann tæmist fyrr en ella með Eldvarpavirkjun. | Sjá nánar |
| 19 | Norðausturland - Skjálfandafljót (Vatnasvið) | Eyjadalsárvirkjun (11) | Fallorka ehf. | Fyrirhuguð virkjun er 8 MW þ.e. minni en þau 10 MW sem kveðið er á um í lögum nr. 48/2011. Er því farið fram á að hún verði tekin út úr tillögu til þingsályktunar um áætlun um vernd og orkunýtingu landsvæða. | Sjá nánar |
| 111 | Suðurland - Geysissvæði (Háhiti) | Geysir (78) | Jón Páll Garðarsson | Nóg er komid af virkjunum og álverum ef ekki er gerd áætlun um framleidsluferli til neytenda á theim afurdum sem unnid er med. Hægt væri ad spara gífurlega orku med ad byggja verksmidjur vid hlid álvera og fleyta bræddu ál í röri á milli. Mín athugasemd á vid um allar virkjanaráætlanir á Íslandi. | Sjá nánar |
| 8 | Norðausturland - Gjástykkissvæði (Háhiti) | Gjástykki (100) | Hreinn Hjartarson | Ég mótmæli ofbeldi stjórnvalda að þvinga Gjástykki í verndarflokk þvert á niðurstöður sérfræðinga rammáætlunar. Faghópar rammaáætlunar mátu 50 möguleg virkjunarsvæða á Íslandi. Í þeim samanburði taldist Gjástykki 26. mikilvægasta svæðið af um 50 til verndunar. Ekki var kastað til höndum við þetta mikilvæga mat og þá búið að leggja hátt í tvo milljarða í matsferlið. Til verksins völdust margir okkar færustu sérfræðingar á ýmsum á ýmsum þekkingarsviðum. Þvert á niðurstöður sérfræðinga er lagt til að Gjástykki verði friðað | Sjá nánar |
| 18 | Norðausturland - Gjástykkissvæði (Háhiti) | Gjástykki (100) | Eiríkur S. Svavarsson, hrl. | Helstu atriði þessarar umsagnar eru: - Gildandi svæðisskipulag, sem er staðfest af umhverfisráðherra, gerir ráð fyrir þeim möguleika að nýta 2,45 % af landssvæði Gjástykkis til allt að 45 MW orkunýtingar. - Svæðisskipulagið var unnið í tengslum við fyrirætlanir um orkuppbyggingu í Þingeyjarsýslum sem ríkisstjórnin átti aðkomu að. - Niðurstaða faghópa rammaáætlunar leiddu ekki til þeirrar niðurstöðu að setja ætti Gjástykki í heild í verndarflokk. - Gögn málsins benda til þess að skoðanakönnun verkefnastjórnar hafi ráðið úrslitum um að Gjástykki var sett í verndarflokk. Nafnlaus skoðanakönnun meðal 12 fulltrúa verkefnastjórnar getur hvorki talist faglegur né málefnalegur grundvöllur að ákvörðun um að setja Gjástykki í verndarflokk, sérstaklega þegar niðurstaða skoðanakönnunarinnar er í andstöðu við gildandi svæðisskipulag og meginniðurstöðu faghópa rammaáætlunar. - Óbreytt ákvörðun um Gjástykki í verndarflokk getur leitt til bótaskyldu vegna tjóns þeirra sem lagt hafa til grundvallar gildandi svæðisskipulag í undirbúningi sínum að atvinnuuppbyggingu í Þingeyjarsýslum. Áskilinn er réttur til skaðabóta. - Stjórnvöld eru bundin af því ferli friðlýsingar sem þau hófu þann 18. mars 2010 og verða að ljúka honum í samræmi við gildandi ákvæði náttúruverndarlaga áður en þau leita fyrir sér um verndun umrædds landsvæðis á öðrum grundvelli. | Sjá nánar |
Rammaáætlun: Forsíða
Útlit síðu:
Þetta vefsvæði byggir á Eplica